Alltaf í boltanum?

Fékk í pósti frá fyrrverandi samstarfsfélaga undirskriftarlista fyrir göngum einhverstaðar í vestur rokrassgati á Íslandi, þar sem óskað er eftir að grafin séu gögn á milli tveggja eyðibýla útá landi sem hvert rúmir færri íbúa en götuhorn í Grafarvoginum. Hvað ætla þau að gera við þessi göng? Síðast þegar ég vissi var nú búið að koma nútíma tækninni “sími” þangað með kopar jarðlínum í hvern bæ og útikamar hans. Einnig eru þarna 2 farsímakerfi, eitt svo langdrægt að Sveppi getur verið að míga á Audda einhverstaðar í þessu rokrassgati og samt verið í símasambandi og hitt svo langdrægt að einhverjir sjómenn við Norðurskautið geta skotist undan kostnaðar við reiki símtöl með því að vera bara á Íslenska GSM kerfinu. Bæði þessi kerfi bjóða svo uppá samband við þetta víðfræga Internet.

Ganga má því út frá því að ekki eru þetta leynileg hernaðargögn um mjólkursprengingar og kartöflurækt sem eru að ferðast þarna á milli og þurfa að komast til skila í snarhasti, það er hægt að koma þeim áleiðs símleiðis eða yfir svokallaðan rafpóst, svona ef Nonni Mæjónes bóndi á Austur Mýrarbýli í Girðingaogskurðafirði getur kveikt á 486 tölvunni sinni sem hann fékk að gjöf frá sonarsyninum framsækna sem fór í háskóla í stórborginni, sem er einnig ágætis framför frá því að hann Nonni var krakki því þá þurfti allir að fara til Danmerkur ef þeir ætluðu að vera eitthvað meira en smjör bændur eða veiðimenn.

Svo er náttúrulega pæling þar sem rigningaveður er girðingaveður og það er _ALLTAF_ rigning á þessu skeri, er ekki búið að girða allt sem þarf að girða? Svo sýnist mér það vera skít nóg af skurðum útum allt og ef þeir fara að grafa fleiri skurðu endar það bara á því að þeir lækki allt landið og þá erum við komnir með okkar litla holland hérna útí miðju atlantshafinu án þess að geta flúið norður á meginland þegar allt sekkur fjandans til. Hvað er þá eftir þegar fólk er ekki að girða og grafa? Gefa dýrunum að éta og baka allskonar drasl.